شفت النهارده فيديو على الفيس بوك
أثر فيا قوى
الفيلم كله حوالى خمس دقايق
بنت صغيره جميله قوى حوالى ست سنوات
بتبيع مناديل فى الشارع
عدت على سيده تبكى وقفت امامها
ولما السيده بصت لها
ابتسمت الطفله واعطتها منديل وانصرفت
قبل ما السيده تديلها اى فلوس
ومن بعيد البنت شاورتلها فالسيده ابتسمت
وبعدين الست فتحت شانطتها وطلعت موبايل
وبعتت رساله بتقول انا اسفه حقك عليا
الرساله وصلت لرجل قاعد فى مطعم مهموم وحزين
واول ما وصلت له الرساله ابتسم
وراح مطلع خمسين جنيه من جيبه واعطاهم للجرسون وانصرف
الحساب كان خمسه جنيه
ولما الجرسون شاف البقشيش الكبير فى ايده ابتسم
خرج الجرسون من المطعم ومعاه الفلوس شاف سيده عجوز تبيع حلوى
اشترى منها حلوى بجنيه وترك فى ايدها عشره جنيه
شافت السيده العجوز فى ايدها الفلوس ابتسمت ولمت حاجتها
وراحت للجزار ولاول مره اشترت اربع قطع من اللحمه وروحت بيتها
طبخت اللحمه وحضرت السفره منتظره مجئ حفيدتها من عملها لتأكل معها
اتفتح الباب واذا ببائعة المناديل الصغيره تدخل على جدتها وتاكل معها اللحمه
وهى مبتسمه نفس الابتسامه التى كانت السبب فى انها اكلت لحمه
ايه رأيكم لو كل واحد فينا يعمل زى البنت الصغيره
ويحاول يصنع بسمه
مش لازم تكلفك البسمه فلوس
ممكن بكلمه حلوه
ممكن بابتسامه
ممكن بطبطبه
ممكن تمسح دمعة
ممكن صدقه بسيطه
وياسلام لو البسمه دى رسمتها على وجه امك او ابوك
ممكن كمان بتليفون لحد من قرايبك من مده مسالتش عنه
او حد من جيرانك مريض
او تمسح على راس يتيم
ممكن حاجات كتير
بس انوى وهتلاقى ناس كتير نفسها تبتسم
وهتلاقى ناس كتير محتاجه تبتسم
وياريت اللى ينجح فى رسم البسمه ييجى يحكى لنا
ويقول عمل ايه
وتأكدوا ان الخير بيلف يلف ويرجع لصاحبه
لو عايز تشوف الفديو من هنا
لقلوبكم
_Smart- Man_
شبه منقول