هوه ده الجديد فى منتدانا
غلطت فى حقك انا عارف ومعترف ان انا غلطان
وجاى اقولك انا اسف وعلى اللى عملته ندمان
عرفت ان البدايه هزار لكنى ساعتها ما فكرتش
ومجاش فى بالى انه اختبار وللى بينا مقدرتش
وبغباء منى يا عيونى غلطت فيكى وجرحتك
رغم ان عمرك ما تخونى بكلامى ليكى انا دبحتك
وكنت آسى فى كلامى وكنت جارح وانانى
نسيت احلامك واحلامى وكنت على قلبك جانى
رغم ان عارف انك بريئة وروحك تشبه الملاك
خبيت على قلبى الحقيقة وبايدى وديتك للهلاك
عارف انه صعب عليكى اننا نرجع زى زمان
وحاسس بردة اية جواكى لكن مش انا لوحدى غلطان
وعمرى ماكنت اتصور ان اليوم دة هيجى علينا
وان اللى بينا يدمر وحبنا يضيع من ايدينا
كل اللى عايزة منك انك يا عمرى تسامحينى
وتصالحى عليا قلبك حتى ولو رافضه تجينى
مع تحياتى
أبو كمال